Publicar baixo Licenza Creative Commons

Para publicar baixo esta licenza tes que dirixirte a páxina de Creative Commons España e cubrir o formulario escollendo as características que lle queremos aplicar a túa obra. Unha vez cuberto dito formulario informarache de que clase de botón queres que apareza e xera un código que tes que "seleccionar" para logo "copiar" no teu blog. 

No meu caso engadín un gadget na parte inferior. O procedemento é ir a pestana de "Diseño". Premin enriba de "Añadir un gadget". Cando se abriu a fiestra de engadir gadget busquei o correspondente a "Texto". Nesa ventana premin sobre a opción de "Edición de HTML" e peguei o que previamente copiara da páxina de Creative Commons España. O último paso sería "Guardar" e xa teremos o logo coa licenza escollida no noso blog.

Lembrade actualizar o voso blog para poder ver o resultado!

As Licenzas Creative Commons

Que é Creative Commons?

Creative Commons é unha corporación sen ánimo de lucro baseada na idea de que algunhas persoas poden non querer exercer todos os dereitos de propiedade intelectual que lles permite a lei. Creemos que hai unha demanda non satisfeita dun modo seguro que permita dicir ao mundo a frase "Algúns dereitos reservados" ou ata "Sen dereitos reservados". Moita xente deuse conta ao longo do tempo de que o dereito de copia absoluto non lle axuda á hora de conseguir a exposición ou distribución ampla que desexa. Moitos empresarios e artistas concluíron que prefiren confiar en modelos innovadores de negocio máis que nos dereitos de copia con dereito para asegurarse un beneficio no seu investimento creativo. Para outros, é unha satisfacción contribuír e participar nun proxecto intelectual común. Pola razón que sexa, é obvio que moitos habitantes de Internet queren compartir o seu traballo e poder reutilizar, modificar e distribuír o seu traballo con outros en términos xenerosos. Creative Commons trata de axudar á xente a expresar esta preferencia por compartir ofrecendo a todo o mundo un conxunto de licenzas na web, sen custo algún.